Detaje të reja janë zbardhur lidhur me sulmin e armatosur të regjistruar paraditen e kësaj të marte në Turqi. Autori i sulmit është identifikuar si Omer Ket. Sipas raportimeve ai ishte një ish-nxënës i shkollës ku u krye sulmi teksa la pas 16 të plagosur. Ket mësohet se kishte postuar një mesazh në llogarinë e tij në Instagram para sulmit, ku shkruhej: “Përgatituni, do të ketë një sulm në këtë shkollë brenda pak ditësh, përgatituni”.
Pas aktit të rëndë, autori i ka dhënë fund jetës. Ngjarja ndodhi në një shkollë të mesme në Siverek, Sanl?urfa. Nxënës dhe mësues u plagosën në sulm, dhe një numër i madh personeli mjekësor dhe policor i operacioneve speciale u dërguan në zonë. Një dëshmitar deklaroi se sulmuesi, i përshkruar si 18-19 vjeç, fillimisht hapi zjarr në oborrin e shkollës përpara se të hynte në shkollë dhe të vazhdonte të qëllonte.
Kujdes, pamje të rënda/ Shikoni momentin kur 19-vjeçari hyn në shkollë dhe plagos 16 persona në Turqi!
“Ai ishte 17 ose 18 vjeç. Sapo hyri nga dera e përparme, nxori armën e tij me tytë të gjatë. Filloi të qëllonte majtas e djathtas dhe drejt shkollës. Pastaj hyri brenda në shkollë dhe filloi të qëllonte. I dëgjova nxënësit duke bërtitur ndërsa ai qëllonte mbi këdo që haste. Pastaj mbërriti policia”, tha ai.
