Një romancë mes të famshmëve që askush nuk e pa që po vinte këtë vit! Por mos u shqetësoni, pasi historia e dashurisë mes Drake dhe Jennifer Lopez mund të ketë përfunduar pa filluar ende.
Teksa hodhi poshtë thashethemet për një lidhje, një burim deklaroi se reperi kanadez dhe këngëtarja nuk janë të përfshirë në një romancë, por janë duke punuar për një projekt muzikor.
Thashethemet për një romancë mes Drake dhe Lopez nisën të qarkullonin pasi reperi ishte i pranishëm në një nga shfaqjet e Lopez në Las Vegas më 10 dhjetor. Dyshja më pas pozoi për një foto, e cila u publikua në llogarinë e “Instagram”-it të Drake, e shoqëruar me ikonat e zemrës.
Sipas “E! News”, Drake dhe Lopez kanë thjesht një marrëdhënie profesionale. Ata përfliten se po punojnë për disa këngë për albumin e ardhshëm të Lopez, i cili pritet të dalë në 2017.
Burimi: E! News
