Reperi i njohur shqiptar, Noizy ka pasur sërish probleme me policinë.
Rigers Rajku është ndaluar nga policia e Durrësit mesditën e 16 dhjetorit 2016, në segmentin rrugor Ura e Dajlanit-Plepa teksa po drejtonte mjetin tip “Benz” me targa AA 517 MT.
Mësohet se policia i ka kërkuar patentën të cilën Noizy nuk e kishte me vete. Kur kanë kërkuar që ai të shoqërohet në polici deri në momentin që dikush t’i sillte lejen e drejtimit ai nuk ka pranuar por është larguar.
Policia e Durresit informoi sot se: “Uniformat blu i kanë kërkuar dokumentacionin e mjetit dhe nga kontrolli u evidentua se nuk kishte leje drejtimi me vete dhe gjoba të papaguara.
Në vijim i është dhënë urdhër që të shoqërohet në ambientet e Komisariatit, (deri në momentin që ndonjë person të sillte lejen e tij të drejtimit dhe të paguante gjobat), por ai nuk i është bindur punonjësve të policisë dhe është larguar së bashku me mjetin.
Menjëherë Efektivet e Policisë janë vënë në ndjekje të tij dhe kanë bërë të mundur kapjen dhe shoqërimin e tij së bashku me mjetin në Komisariat”
Noizy është mbajtur në komisariat për 6 orë më pas është lënë i lirë pasi dikush i ka sjellë patentën dhe ka paguar gjobat e papaguara.
Pas kryerjes së veprimeve procedurale materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Mosbindja ndaj urdhrit të punonjësit të policisë së rendit publik”parashikuar në nenin 242 të Kodit Penal.
