Një studim i fundit i realizuar nga kompania e njohur e snack-eve Lay’s ka zbuluar një fakt mjaft befasues: 42% e konsumatorëve nuk e dinë se patatinat prodhohen nga patatet e vërteta.
Sipas raportit, një pjesë e madhe e njerëzve mendojnë se patatinat janë produkte tërësisht të përpunuara në fabrika, pa e ditur se ato nisin rrugëtimin e tyre që në fushat me patate.
Ekspertët e kompanisë shpjegojnë se për prodhimin e patatinave zgjidhen vetëm disa lloje të veçanta patatesh, të cilat kalojnë vite të tëra selektimi për të arritur atë krokantën e artë dhe shijen karakteristike që i bën aq të pëlqyera. Në të gjithë botën ekzistojnë mbi 4,000 varietete patatesh, por vetëm një numër i vogël përdoret për prodhimin e chips-ave komercialë.
Lay’s e publikoi këtë statistikë në kuadër të një fushate ndërgjegjësuese për origjinën e produkteve ushqimore dhe lidhjen e tyre me bujqësinë. “Shumë njerëz e shohin qesen e patatinave si një produkt modern, por harrojnë që çdo patatinë fillon si një patate e kultivuar në tokë”, thuhet në njoftimin e kompanisë.
Ky zbulim ka nxitur reagime të shumta në rrjetet sociale, ku përdoruesit janë ndarë mes habisë dhe humorit.
Po ju, a e dinit që patatinat vijnë nga patatet e vërteta?
