Një vajze 26-vjeçare nga Bjellorusia ka rënë viktimë e një mashtrimi vdekjeprurës pasi është bindur të shkojë në Tajlandë për të punuar si modele, duke përfunduar në Mianmar ku është vrarë me qëllim që t’i merren organet dhe të shiten në “tregun e zi”.
Aventura tragjike e Vera Kravtsovas filloi kur ajo udhëtoi për në Bangkok pasi iu premtua një punë si modele.
Sipas Mash, “në vend të seancave fotografike dhe kontratave, Vera u çua përtej kufirit në Myanmar, ku u mbajt robëreshë. Atje, asaj iu kërkua të ishte e bukur dhe t’u bënte shantazh klientëve të pasur për para. Por kur ajo pushoi së fituari para, kontakti me të u humb”.
Vera, e cila ka lindur në Minsk, kishte udhëtuar më parë në Vietnam, Kinë dhe Indonezi.
Sipas të njëjtit burim, mashtruesit kontaktuan familjen e 26-vjeçares dhe u kërkuan atyre 500,000 dollarë për të kthyer trupin e saj. Kjo u pasua nga një telefonatë nga persona të panjohur drejtuar të afërmve të 26-vjeçares, të cilëve iu tha se gruaja “ishte shitur për organet e saj dhe se trupi i saj ishte djegur”.
Vera, e cila kishte lindur në Minsk të Bjellorusisë, ishte zhvendosur në Shën Petersburg të Rusisë dhe kishte udhëtuar më parë në Vietnam, Kinë dhe Indonezi, por u zhduk pasi mbërriti në Bangkok në fillim të shtatorit.
