Sot, më 8 gusht, bota feston Ditën Botërore të Maceve, një ditë e dedikuar për të nderuar këto kafshë elegante, të mistershme dhe të dashura për miliona njerëz anembanë globit. E krijuar fillimisht nga International Fund for Animal Welfare (IFAW) në vitin 2002, kjo ditë ka për qëllim të promovojë kujdesin, mirëqenien dhe mbrojtjen e maceve, qoftë atyre shtëpiake apo të rrugës.
Në nder të kësaj dite, po ju sjellim disa fakte interesante që ndoshta nuk i keni ditur për këto krijesa të mrekullueshme:
Fakte që mund t’ju surprizojnë për macet:
-Macet mund të “flasin” me më shumë se 100 zëra të ndryshëm, ndërkohë që qentë kanë vetëm rreth 10.
-Nuhatja e tyre është 14 herë më e fortë se ajo e njeriut – kjo i ndihmon të gjurmojnë prenë ose të dallojnë aromat më të holla.
-Përgëzimi i maceve (purring) nuk është vetëm shenjë kënaqësie – studime tregojnë se ai mund të ndihmojë edhe në shërimin e eshtrave dhe muskujve të tyre!
-Macet kalojnë rreth 70% të jetës së tyre duke fjetur – një mënyrë për të ruajtur energjinë për “gjueti”.
-Raca më e vjetër e njohur e maceve është Egjiptiani Mau, një specie e lashtë që daton më shumë se 4,000 vjet më parë.
Përveç pamjes së tyre të hijshme dhe personalitetit shpesh të pavarur, macet janë shokë të shkëlqyer. Ato sjellin qetësi, ulje të stresit dhe gëzim në jetën e shumë njerëzve. Madje, studime kanë treguar se pronësia e një maceje mund të ulë rrezikun për probleme kardiovaskulare!
