Kryetari i Komunës së Koçanit, Ljupço Papazov, ka njoftuar dorëheqjen e tij të parevokueshme pas një tragjedie që ka prekur thellë komunitetin. Përmes një postimi në Facebook, Papazov shprehu dhimbjen e tij të madhe, duke theksuar se shumicën e viktimave i njihte personalisht.
Ai kërkoi që institucionet kompetente të hetojnë përgjegjësinë e të gjithë të përfshirëve dhe u shpreh i gatshëm të bashkëpunojë me autoritetet, edhe pse theksoi se nuk kishte autoritet të drejtpërdrejtë në këtë rast.
“Për mua, pas kësaj tragjedie, asgjë nuk ka më të njëjtin kuptim. Kam punuar me ndershmëri dhe përkushtim gjatë gjithë jetës sime, por tani po largohem nga ky post, duke iu lutur Zotit për shpirtrat e fëmijëve tanë dhe për familjet e tyre,” tha ai.
Dorëheqja e Papazovit vjen si një akt përgjegjësie morale në një moment dhimbjeje të thellë për komunitetin e Koçanit.
