Ministrja islandeze për Fëmijët, Ásthildur Lóa Thórsdóttir, ka dhënë dorëheqjen pas zbulimit të një marrëdhënieje që kishte pasur 35 vite më parë me një adoleshent.
Në një intervistë për mediat, Thórsdóttir pranoi se kur ishte 23 vjeç, kishte pasur një lidhje me një djalë 15-vjeçar, pjesë e një grupi fetar ku ajo shërbente si këshilltare. Marrëdhënia e tyre rezultoi në lindjen e një fëmije kur ai ishte 16 dhe ajo 23.
“Kjo ka ndodhur 36 vite më parë. Sot, padyshim që do t’i kisha trajtuar gjërat ndryshe,” — u shpreh Thórsdóttir.
Kryeministrja islandeze, Kristrún Frostadóttir, e cilësoi situatën si një “çështje serioze”, duke refuzuar të komentonte më tej për shkak të ndjeshmërisë së rastit.
