Moderatorja e njohur Fatma Haxhialiu, do bëhet sërish nënë e një djali.
Për këtë emocion, ajo ishte e ftuar sot në studion e “Rudina” në Tv Klan ku rrëfyeu gjithçka gjatë kësaj periudhe shtatzënie.
Por, ajo që shtoi kuriozitetin akoma më shumë ishte momenti kur tha se ajo dhe partneri i saj kanë vendosur për emrin e djalit të tyre të dytë. Ajo ndau disa detaje domethënëse për emrin e vogëlushit që së shpejti pritet të vijë në jetë.
Rudina Magjistari: Keni filluar të mendoni për emrin?
Fatma Haxhialiu: Po, e kemi vendosur. Është emër shqiptar. Kësaj here unë isha fiksuar që të ishte emër shqiptar, doja që të mbarte një kuptim të veçantë sigurisht, por doja më shumë që të ishte dhe universal. Duke qenë se fëmijët tanë janë kozmopolitë, qytetarë të botës, doja që emri të kishte kuptime dhe në kultura të tjera. Emri që kemi gjetur është në çdo kulturë dhe në çdo fe ka një kuptim fantastik. Një emërues i përbashkët i kuptimit të emrit është “i ndriçuari”, “i përndrituri”, ai që sjell dritën, është një nga kuptimet e emrit. Por, kemi vendosur që kur të vijë bebi, për hir të supersticionit, do e ndajmë.
