Kur kanë kaluar 5 vite nga zjarri masiv që përfshiu Notre Dame, vjen një lajm i mirë.
Sot, presidenti Emmanuel Macron mbërriti në katedralen e famshme e tashmë të rindërtuar të Notre Dame së bashku me një ekip televiziv për t`i treguar botës restaurimin e plotë të saj pesë vjet e gjysmë pas shkatërrimit të saj nga zjarri.
Për publikun e gjerë, katedralja hapet në 7 dhjetor: Atëherë, vizitorët do të mund të shohin nga afër përpjekjet e mëdha të bëra për ta rikthyer atë që konsiderohet si një nga monumentet më simbolike dhe më të vjetra të Parisit sa më pranë gjendjes fillestare.
Pak ditë pasi bota ishte bërë dëshmitare e rrëzimit të kullës më të lartë të Notre Dame gjatë zjarrit të prillit 2019, Macron qe shprehur se Katedralja do të rindërtohej brenda pesë viteve.
“Unë po ju them solemnisht sonte: kjo katedrale do të rindërtohet nga ne të gjithë së bashku. Dhe ndoshta është pjesë e fatit të Francës dhe do të jetë projekti ynë për vitet në vijim. Unë jam i përkushtuar për këtë”, deklaroi asokohe ai.
E mesa duket premtimi u mbajt!
