Netflix nuk pushon kurrë së “magnetizuari” shikuesit me filma që shquhen si për subjektin, ashtu edhe për protagonistët e tyre. Filmat më të njohur të platformës kanë arritur të mbledhin miliona shikime, disa duke arritur në 250 milion. Nga aksioni dhe aventura, te tensioni dramatik dhe satira sociale, prodhimet hit të Netflix pasqyrojnë dëshirën e audiencës për histori origjinale duke ripërcaktuar mënyrën se si audienca shijon kinemanë nga komoditeti i shtëpive të tyre.
Platforma ka arritur të sjellë në ekranet tona histori që ndërthurin fantazi, aksion dhe mesazhe sociale, ndërkohë që shpesh zgjedh emra të mëdhenj të Hollivudit për të luajtur role tërheqëse. Me pak fjalë, filmat që bien në sy në preferencat e audiencës nuk janë të rastësishëm pasi secili prej tyre ofron elemente unike që tërheqin ndjeshmëri dhe nevoja të ndryshme për argëtim. Më poshtë, 5 filmat e platformës që kanë “thyer” çdo rekord shikueshmërie.
Red Notice
Në krye gjejmë “Red Notice”, një film aksion me Dwayne Johnson, Ryan Reynolds dhe Gal Gadot, i cili arriti të fitojë audiencën falë kombinimit të humorit dhe adrenalinës.
“Don’t look up”
Po aq e shquar është “Don’t Look Up”, një komedi që satirizon apatinë e shoqërisë ndaj paralajmërimeve të fundit të botës, me Leonardo DiCaprio dhe Jennifer Lawrence.
”The Adam Project”
Në vendin e tretë është “The Adam Project” , një aventurë fantastiko-shkencore me Ryan Reynolds, e cila kthen valën përmes udhëtimit në kohë dhe momenteve prekëse që bashkojnë brezat.
“Bird Box”
“Bird Box” , me Sandra Bullock, ofron një botë plot mister dhe rrezik, ku kërcënimet e padukshme e kthejnë jetën e përditshme në mbijetesë vuajtëse.
“Leave the World Behind”
Më në fund, “Leave the World Behind” më të fundit magjeps me historinë e një familjeje të kapur në një situatë të papritur pas një sulmi kibernetik.
