Këto vargje edhe pas 74 vitesh kanë të njëjtën peshë te secili prej nesh. Poema e Ana Frank e shkruar disa muaj pasi vogëlushja dhe familja e saj po fshiheshin në Amsterdam për t’u shpëtuar nazistëve, u shit për 140 mijë euro në një ankand në Holandë.
Shtëpia e ankandeve “Bubb Kuyper” parashikoi se poema do të shitej rreth 3 mijë euro, ndërsa ajo u shit jashtë parashikimit nga një blerës anonim. Kjo shtëpi ankandesh është e specializuar në shitje të manuskripteve, dorëshkrimeve, librave e ilustrimeve të vjetra.
Vargjet e poemës i dedikohen motrës së madhe të shoqes më të mirë të Ana Frank, Jacqueline dhe poema quhet “Cri Cri”, ndërsa daton që më 28 mars të 1942.
Ana Frank i ka shkruar vargjet kur ishte vetëm 12 vjeça. Vetëm pesë dorëshkrime të Ana Frank janë shitur deri sot, por ka ende të tjera që nuk dihen. Ditari i Ana Frankut u shkrua për dy vite sa ajo po fshihej në Amsterdam, ndërsa më pas vdiq në vitin 1945 në një kamp përqendrimi në Bergen-Belsen.
Poema:
E dashur Cri-Cri,
Nëse nuk e përfundon punën tënde si duhet,
Dhe humbet kohën e çmuar,
Atëherë nise edhe një herë detyrën tënde,
Dhe përpiqu më shumë se sa më parë.
Nëse të tjerët të kanë qortuar,
Për atë që ke bërë gabim,
Atëherë sigurohu që të përmirësosh gabimet e tua.
Kjo është përgjigja më ë mirë që mund të bëjë dikush.
Në kujtim të Anne Frank
Burimi: CNN
