Një vend parkimi është kthyer në një konflikt të ashpër mes një emigranti shqiptar dhe fqinjit të tij, ku ky konflikt u tkhyer në një tragjedi të vërtetë. Një emigrant shqiptar, baba i tre fëmijëve, raportohet nga mediat në Belgjikë se u qëllua për vdekje me armë nga një person me të cilin po debatonte ashpër.
Ngjarja ka ndodhur rreth orës 20:00 të mbrëmjes së diel (25 Gusht), në rrugën “Blijde Inkomststraat”, në Machelen, një komunë periferike e Brukselit, raportoi agjencia lokale e lajmeve “dhnet”, ku emri i shqiptarit nuk është bërë ende publik. Policia belge e identifikoi autorin e dyshuar si një banor të zonës, madje fqinj të shqiptarit. Pas krimit ai është arrestuar dhe po i nënshtrohet hetimeve.
Dy burrat ishin në konflikt për një kohë të gjatë mes tyre, për një vend parkimi, kjo referuar dëshmive paraprake të banorëve vendas dhe të njohurve të viktimës dhe autorit.
