Aktori i humorit Bes Kallaku, feston sot ditëlindjen dhe sigurisht që urimi më special është nga e fejuara e tij, Xhensila Myrtezaj.
Ajo çfarë bie në sy tek torta e cila është e mbushur nga fotot e Xhensilës, Besit dhe Gjyshes së tij është fraza, “Rrno për me tregue” e At Zef Pllumbit, të cilën aktori e ka bërë edhe tatuazh.
Bes Kallaku bëhet 31 vjeçar dhe ai prej vitesh ai është në një lidhje me këngëtaren. Ka kohë që aludohet për martesën e tyre, pasi ata tashmë kanë 7 vite bashkë, por vetëm disa muaj më parë aktori zbuloi se kur kanë plan të martohen. I ftuar në një emision, ai zbuloi se 2017-a është viti i festës së madhe, duke e lënë me kaq.
E ftuar në emisionin “Rudina”, Xhensila ka treguar se ka filluar përgatitjet për ditën e rëndësishme dhe se ka provuar për herë të parë fustanin e bardhë. “Sot ishte hera e parë që pashë fustane, ishte një emocion i papërshkrueshëm. Si natyrë emotive që jam, u emocionova shumë”.
