Pesë persona u vranë pasi një person i armatosur hyri në një shtëpi për të moshuarit në Kroaci të hënën dhe hapi zjarr. Ngjarja e rëndë ndodhi në një shtëpi private për të moshuarit në qytetin Daruvar, rreth 75 milje në lindje të kryeqytetit Zagreb.
Pesë nga viktimat humbën jetën menjëherë dhe numri i të plagosurve nuk dihet ende. Agjencia shtetërore e lajmeve HINA ka raportuar se disa nga të plagosurit janë ende duke marrë ndihmë mjekësore.
Personi i armatosur u largua me vrap, por më vonë u arrestua pranë një kafeneje. Hetimi është në vazhdim dhe policia nuk ka dhënë detaje shtesë.
“Jemi të tmerruar nga vrasja e pesë personave në shtëpinë e të moshuarve‘- tha kryeministri kroat, Andrej Plenkoviç në një postim në rrjetet sociale.
