Një ngjarje e rëndë ka ndodhur ditën e djeshme në qytetin e Gjakovës në Kosovë. Një fëmijë 3 vjeç ka ndërruar jetë në Spitalin Rajonal të Gjakovës.
Drejtori i Policisë së Kosovës për rajonin e Gjakovës, Lumni Graishta tha se fëmija ka ndërruar jetë si pasojë e lëndimit nga rënia e dyerve të oborrit.
“Rasti ka ndodhur dje në Rahovec. Fëmija i moshës 3 vjeçar ka qenë duke luajtur në oborr ku disa dyer që kanë qenë jashtë përdorimit janë rrëzuar dhe i kanë rënë atij. I njëjti me urgjencë është sjellur në Spitalin e Gjakovës ku edhe ka ndërruar jetë”, tha Graishta.
Ai shtoi se rasti është kualifikuar si “shkaktim i rrezikut të përgjithshëm”. Prokuroria ende nuk ka dalë me një njoftim zyrtar.
