Ajo është një aktore shumë e vlerësuar, e cila gjithashtu është përkushtuar edhe në punën me Kombet e Bashkuara. Dhe tani ish-bashkëshorti i Angelina Jolie, Billy Bob Thornton, zbuloi se ai se ai shpesh ndihej sikur nuk ishte i mjaftueshëm për të gjatë martesës pasionante, por të shkurtër.
“Kurrë nuk jam ndjerë mjaftueshëm i mirë për të”, tha 61-vjeçari Billy, për revistën “GQ”. Ndjesia e papërshtatshmërisë vinte si pasojë e stileve të ndryshme të jetës që ata bënin, ku Billy preferonte të qëndronte në shtëpi dhe të mos udhëtonte, ndërsa Angelina udhëtonte shpesh në mbarë botën për shkak të kauzave humanitare.
Ai gjithashtu shtoi se nuk ndihej rehat në festat, që ishte i ftuar për të shoqëruar Jolie, ku ishte i rrethuar me njerëz të famshëm dhe shumë të rëndësishëm. Billy dhe Angelina ishin të martuar nga viti 2000 deri në 2003-shin pasi u takuan për herë të parë në vitin 1999, ku luanin të dy në filmin “Pushing Tin”. Martesa e tyre zgjati vetëm 3 vjet.
Burimi: Daily Mail
