Ish-banorja e ‘Big Brother VIP Kosova’, Edona James, ka ndarë një pjesë emocionuese të jetës së saj personale me publikun. Ajo ka zbuluar se është aktualisht në një lidhje të re, duke e bërë këtë të ditur gjatë një interviste në një emision televiziv në Kosovë.
Edona konfirmoi lajmin që ka ndryshuar statusin e saj në një marrëdhënie dashurie.
“Po, është e vërtetë që statusi im ka ndryshuar,” u shpreh ajo, për të shtuar pastaj se zemrën i ka rrëmbyer një shqiptar nga Maqedonia, por nuk zgjodhi që t’ja zbulojë identitetin.
Përgjatë aventurës së saj në ‘BBVK’, Edona James njohu publikun me historinë e saj të veçantë dhe sfidat të cilat ka kaluar si transgjinore. Ajo u shfaq si një individ pa komplekse, duke u shfaqur e hapur në lidhje me jetën e saj personale dhe të kaluarën.
