Dy vite pas ngjarjes së rëndë në kryeqytet ku shtetasja e huaj Xhoi Ayoko u dhunua brutalisht dhe më pas u hodh nga ballkoni i banesës ku jetonte, çështja e kenianes ende nuk është zbardhur nga autoritetet shqiptare. Së fundmi nëna e të ndjerës, Ruth Abongo ka kontaktuar News24, dhe deklaron se pak kohë më parë, një adresë me emër “fake” në facebook e quajtur “bashkia” i ka shkruar duke iu prezantuar si një “agjenci” që po investigon çështjen e Xhoit duke i thënë se po kryejnë hetime për vrasjen me qëllimin që të bëhet drejtësi. Kjo adresë “fake” e pyet Ruth Abongon se ku dyshon për autorin dhe i përmend shoferin e kazinosë nëse është i përfshirë në krim, dhe kjo e fundit i thotë që po.
Më pas adresa anonime i shkruan se shoferi mund të jetë shtyrë edhe nga persona të tretë, dikush që ka njohur qëllimet e tij ndaj Xhoit. Në fund i thotë që do përpiqen të konfirmojnë teorinë e tyre sa më shpejt lidhur me të vërtetën. Nëna e vajzës nuk i beson për identitetin dhe qëllimin dhe mundohet ta marrë me video kamera këtë adresë, por kjo adresë ia bllokon telefonatën dhe mbyllet fare si account në facebook.
Sipas nënës së Xhoit ajo dyshon se personi që i shkroi në këtë adresë mund të jetë një nga autorët, bashkëpunëtorët apo ndonjë i penduar i përfshirë në ngjarjen e rëndë. Nuk përjashtohet as mundësia që mund të jetë ndonjë tentativë për të penguar dhe devijuar hetimet apo për të marrë informacion rreth çështjes nga nëna e Xhoit.
BISEDA:
Adresa ‘fake’ Bashkia: Përshëndetje zonjë, shpresoj të jeni mirë. Më vjen keq për humbjen tuaj. Jam këtu për të hetuar çështjen e vdekjes së vajzës suaj.
Nëna: Përshëndetje Bashkia. Nuk jam mirë por po e përballoj dhimbjen nga ajo kohë
Adresa ‘fake’: Ne po përpiqemi të zbuljojmë këtë vrasje, e cila nuk po diskutohet më. Agjencia jonë ka një interes për këtë rast, synimi jonë është të zbulohet e vërteta që të vendoset drejtësi për Xhoin.
Adresa ‘fake’: Për momentin ne jemi udhëzuar për të qëndruar anonim, por sa më shpejt të përfundojë invesigimi do ju tregoj.
Nëna: E vërteta nuk do të fshihet kurrë para zotit, një ditë do të dalë.
Adresa ‘fake’: Besojmë që po
Nëna: Çfarë keni gjetur deri tani?
Adresa ‘fake’: Ne besojmë se është e përfshirë një palë e tretë, dikush që e njihte natyrën e saj dhe u hodh direkt në sulm. Ne do ta konfirmojmë teorinë tonë sa më shpejt të jetë e mundur.
Nëna: Pas një viti ju shfaqeni dhe më flisni për këtë dhe nuk më besoni? Si do të shkoni deri në fund të investigimit pa ndihmën time?
Adresa ‘fake’: Më vjen keq por këto janë urdhrat. Po flasim për…nuk është një emër shumë i zakonshëm shqiptar, ky ishte emri i tij i plotë?
Nëna: Provoni anën tuaj dhe zbuloni festën e fundit nëse ka pasur. E gjitha që di për Xhoin, është se ai ishte shumë mbrojtës dhe xheloz, nuk e duroi dot kur Xhoi tha ‘jo’ për një lidhje me të. Ai mbase e ka ndjekur Xhoin nga pas. E çoi në një pyll për të zbuluar nëse Xhoi po kishte një person tjetër. Kush e bën këtë nëse jo një person i fiksuar?
Adresa ‘fake’: A besoni se shoferi i kazinosë është i përfshirë në krim?
Nëna: Po ishte dhe shoferi
Adresa ‘fake: Ne besojmë se identiteti i tij po fshihet për publikun, a e di emrin e tij të plotë? Ka shumë spekulime rreth tij
Nëna: Cilat janë këto spekulime? Do ta gjejmë dhe emrin
Adresa ‘fake’: Faleminderit për ndihmën tuaj. Do ju kontaktojmë përsëri.
