Në listën e tendencave të modës të viteve ’90 dhe fillim të viteve 2000 që do të rikthehen në vitin 2024, tani po i shtohen pantallonat capri. Ndryshe nga fundet me bisht peshku, pantallonat super të ulëta dhe disa stile të tjera të diskutueshme të sezonit, ato janë të rehatshme dh praktike. Ato mund të vishen në zyrë ose të kombinohen me një këmishë dhe këpucë të sheshta.
Capri ishin të njohura në vitet 1950 dhe 1960 dhe u dashuruan nga superyjet si Brigitte Bardot, Marilyn Monroe dhe Audrey Hepborn. Trendi u rikthye në vitet ’90 kur supermodelet si Linda Evangelista, Christy Turlington dhe Naomi Campbell i shtuan ato në repertorin e tyre të stilit. Në vitet 2000, ai u bë stili i preferuar i vajzave si Paris Hilton, Nicole Richie dhe Lindsay Lohan.
Sigurisht, si me shumicën e tendencave, ata nuk kthehen kurrë në atë që ishin më parë. Ato zhvillohen në mënyrë delikate për të pasqyruar kohën. Aktualisht, për sezonin Pranverë-Verë 2024, Salvatore Ferragamo kombinoi dollakët capri me një xhaketë bomber shumë të shkurtër.
