Dënim me 12 vite burg është vendosur nga Gjykata e Volosit për një shtetas shqiptar 52-vjeçar me akuzën e tentative së vrasjes dhe zjarrvënie në tentativë. Mediat greke raportojnë se në 29 dhjetor 2022, shqipatri ka lyer me benzinë makinen e ish-bashkëshortes së tij teksa ajo po dilte me djalin e tyre 17-vjeçar, në pilot i pallatit, duke kërcënuar se do ta djegë. Fatmirësisht, 17-vjeçari ka reaguar i qetë, duke frenuar të atin dhe nëna ka arritur të largohet dhe të shkojë në Polici.
Sipas të njëjtave informacione, autori, me profesion ndërtues, ishte akuzuar edhe më parë për trafik droge dhe i është shqiptuar ndalimi i daljes jashtë vendit. Në kërkim të faljes, i akuzuari dëshmoi se nuk kishte ndërmend t’i vinte zjarrin gruas me të cilën ishin divorcuar, por nuk e linte të shihte fëmijën e tyre, si pasojë e kishte pushtuar dëshpërimi “pasi ishte ditë feste’.
Ish-bashkëshortja e tij, nga ana tjetër, ka treguar se i pandehuri i është afruar me kapuç dhe doreza dhe duke mbajtur në duar dy çakmakë, gjë që i ka shkaktuar frikën dhe shqetësimin për jetën e saj dhe të fëmijës. Prokurori i rrethit propozoi ndryshimin e akuzës në tentativë për dëmtim të brendshëm dhe tentativë për dëmtim të rëndë të pronës së huaj, por Gjykata iu përmbajt akuzave fillestare dhe dënimi ishte i gjatë.
