Një ngjarje tronditëse ka ndodhur në Greqi. Një 27-vjeçar shqiptar është arrestuar nga policia pasi ka dhunuar të dashurën e tij 19-vjeçare, e cila ishte 2 muajshe shtatzënë. I riu nuk donte që foshnja të vinte në jetë dhe ka ushtruar dhunë ndaj saj duke i ndërprerë shtatzëninë.
Sipas mediave greke ngjarja ka ndodhur mbrëmjen e së martës, kur 27-vjeçari ka shkuar dhe ka marrë nga shtëpia të dashurën.
Mediat greke raportojnë se, i riu pasi ka marrë partneren në shtëpinë e tij, e ka lidhur, e ka rrahur dhe e ka detyruar të marrë mjekim për të ndërprerë shtatzëninë.
Mëngjesin e së mërkurës, 27-vjeçari e dërgoi 19-vjeçaren në spitalin e Zakynthos, ku ajo po trajtohet jashtë rrezikut, por abortoi.
Pas një denoncimi, policia në Zakynthos arrestoi të mërkurën, 27-vjeçarin, i cili do të dalë parë prokurorisë me akuzën e dhunës në familje, ndërprerjes së shtatzënisë, dëmtimit të rrezikshëm trupor dhe vjedhjes pasi kishte marrë celularin e partneres së tij.
