Ditën e djeshme u mblodh Këshilli i Sigurimit të OKB-së për të vendosur me votë armëpushimin e menjëhershme të luftimeve në Gaza.
Në këtë mbledhje të rëndësishme morën pjesë vendet në Këshillin e Sigurimit, ndër to edhe Shqipëria.
Në një letër dërguar anëtarëve të këshillit të sigurimit, sekretari i përgjithshëm i OKB-së, Antonio Guterres u shpreh se në Gaza po rrezikohet paqja dhe siguria ndërkombëtare, ndërsa po shkaktohet një katastrofë humanitare.
I njëjti para anëtarëve tha se brutaliteti i Hamasit nuk mund të justifikojë kurrë “ndëshkimin kolektiv” të palestinezëve.
Kërkesa për armëpushim u mbështet nga 13 vende në Këshillin e Sigurimit, kurse SHBA-ja u shpreh kundër një lëvizjeje të tillë.
Sipas zv.Amabsadorit amerikan Robert Wood armëpushimi do të mbillte vetëm farat për luftën e ardhshme.
Shqipëria, pjesëtare e këshillit të sigurimit edhe pse u shpreh pro rezolutës u shpreh se ndihej e keqardhur që Këshilli i Sigurimit nuk ka dënuar terrorin e Hamasit dhe nuk ka bërë mjaftueshëm thirrje për lirimin e pengjeve të mbetura.
Më tej, përfaqësuesja e Shqipërisë Albana Dautllari i bëri thirrje komunitetit ndërkombëtar të punojë drejt rivendosjes së perspektivës së një horizonti politik, të bazuar në parimet e së drejtës së Izraelit për të ekzistuar në siguri, dhe një rrugë të qëndrueshme për palestinezët që të kenë shtetin e tyre në liri.
