Pas shumë komentesh në rrjet për deklaratën e saj në lidhje me Ganinë, Anita Haradinaj flet në studion e “Jo Vetëm Modë” dhe sqaron sesi qëndron e vërteta.
Ajo ndalet më gjerësisht për të shpjeguar komentin e saj për Ganinë në lidhje me marrëdhënien e tij me Brikendën.
Sipas Anitës, ajo e dinte që mes tyre nuk ka diçka më tepër se shoqëri dhe komentoi për Ganinë: “Nuk e di nëse e ke parë ndonjëherë veten në pasqyrë”.
Anita u shpreh se ajo që tha nuk kishte të bënte me pamjen fizike të Ganisë por ai duhet ta shikojë veten në pasqyrë edhe për sjelljet dhe çdo gjë tjetër në lidhje me Brikendën, pasi mendon që ajo është një vajzë shumë e bukur dhe me vlera.
“Ndodh ajo që ndodh në ‘Big Brother’, ndodh lojë, ka dinamik shumë. Karakteret janë shumë të ndryshëm nga njëri-tjetri. Janë po ashtu të ndryshëm edhe nga ‘Big Brother’-i i parë, edicionin e parë. Në vitin e kaluar kishim një kast më të pjekur në moshë, këtë vit ka më shumë të rinj.
Po me sportivitet do e kaloj unë se ajo është ‘Big Brother’, unë do jap opinionin tim. Unë kështu e pash. Ajo ishte gocë e mirë, tani unë mes Ganisë dhe asaj, unë patjetër atë do mbroja sepse në fund të fundit është femër. Njeriu në pasqyrë shikohet për shumë arsye, jo vetë se a duket bukur. Nuk kishte të bënte vetëm me pamjen vizuale ose fizike” – përfundon Anita Haradinaj.
