Romiri, Soni Malaj dhe Vanesa, të cilët fituan “Avantazhin e Breshkës” në Ferma VIP, patën mundësinë të merrnin informacione nga jashtë, por secili bëri zgjedhjen e tij ndryshe.
Romiri kërkoi të mësonte më shumë për vajzën e tij dhe studimet e saj, ndërsa vajzat kishin mundësinë të zgjidhnin mes pyetjeve në ChatGPT ose titujve të portaleve.
Në letrën që vajza i kishte dërguar Romirit, ajo tregonte:
“Babi, për menaxhimin e artit e kisha live, për filmin ishte video call. Masteri i filmit më doli, jam pranuar, kurse menaxhimi i artit jo. Po pres edhe një konfirmim për bursën, besoj vjen nga mesi i majit. Unë nuk kam vendosur gjë akoma vetë, por po doli bursa unë besoj do e bëj masterin, por ka kohë për ta marrë vendimin përfundimtar”.
Pas lajmit, Romiri u shpreh i lehtësuar:
“Isha në merak. Lajmet qënkan të mira dhe jam i qetë”.
Ndërkohë, Vanesa vendosi të tërhiqej dhe të mos shihte informacionet nga jashtë, duke pranuar se nuk donte të ndikohej emocionalisht.
“E vlerësoj avantazhin. Kërkesën time e kam bërë në një pikë emocionale kur nuk më kishin ndodhur disa gjëra këtu brenda. Nëse marr ndonjë ndikim, pozitiv apo negativ, nuk e di sa mund të ndikojë në gjendjen time”, tha ajo.
Nga ana tjetër, Soni Malaj zgjodhi të shihte titujt e portaleve, por nuk pranoi t’i besonte ato që lexoi. Këngëtarja reagoi edhe ndaj një deklarate të bërë nga Jonida Maliqi në “Ferma Club”, ku ishte thënë se Jonida është këngëtare festivalesh, ndërsa Soni performon në club-e.
“Unë jam mërzitur kur ka dalë Jonida dhe nuk bëj ironi. Nuk janë të vërteta fare, nuk besoj që Jonida të ketë thënë nëpër club-e sepse unë kam bërë sheshin Skënderbej, koncerte recitale tek Pallati i Kongreseve, tek Amfiteatri etj. Nuk i besoj”, tha Soni.
