Dashi
Hëna dhe Mërkuri do bëhen bashkë gjatë kësaj dite dhe do ju bëjmë më të logjikshëm dhe largpamës. Për ju të dashuruarit qetësia do mbizotërojë gjithë kohës. Marrëdhënia me partnerin nuk do jetë e jashtëzakonshme, por të paktën nuk do ndodhin as mosmarrëveshje. Ju beqarët nuk duhet të tregoheni të paduruar. Më mirë t’i njihni sa më mirë personat e më pas të filloni një lidhje. Në punë do jeni shumë të motivuar dhe luftarakë. Asnjë sfidë nuk do ju trembë dhe nuk do mungojë as bashkëpunimi me kolegët. Çështjet financiare nuk do arrini t’i përmirësoni dot edhe pse përpjekjet do jenë të mëdha.
Demi
Gjatë kësaj dite do jeni paksa të paduruar dhe mund të inatoseni me gjënë më të vogël. Gjithsesi ata që keni pranë do ju qetësojnë shpejt. Për ju të dashuruarit e sotmja do jetë e mbushur me momente të lumtura. Do shkoni nëpër vende interesante, do qëndroni më pranë dhe do njihni anë të tjera të njëri-tjetrit. Ju beqarët do keni sukses të garantuar në dashuri dhe jeta do ju ndryshojë rrënjësisht. Në punë nuk do e duroni dot rutinën dhe herë pas here do irritoheni. Bëni më shumë përpjekje për të marrë një post të ri. Në planin financiar gjendja do normalizohet pas gjithë vështirësive të kohëve të fundit.
Binjakët
Venusi do ju bëjë më optimistë gjatë kësaj dite dhe më në fund do mund ta rregulloni edhe marrëdhënien me të tjerët. Ju të dashuruarit do jeni më të drejtpërdrejtë me partnerin tuaj dhe do arrini t’i zgjidhni me lehtësi edhe disa probleme të vjetra që keni pasur. Asgjë e keqe nuk do ndodhë për asnjë moment. Ju beqarët mirë është t’i bëni sytë katër dhe të përfitoni sa të mundni edhe nga mundësitë që do iu jepen për aventura. Në punë Mërkuri do ju ndihmojë më shumë se kushdo tjetër për të arritur objektivat që i kishit vënë vetes. Të ardhurat kanë për të qenë më të jashtëzakonshme dhe do bëni investimet e menduara.
Gaforrja
Vërtet do ëndërroni shumë gjatë kësaj dite, por ama nuk do kërkoni me ngulm që gjërat t’iu plotësohen menjëherë. Për ju që keni një lidhje, marrëdhënia me partnerin do jetë shumë më e bukur. Të dyja palët do jepni gjithçka nga vetja që gjërat të ecin sa me mirë. Ju beqarët duhet të jeni realistë dhe të logjikshëm në mënyrë që të krijoni në momentin e duhur lidhjen më të mirë. Kështu do shmangin edhe zhgënjimet. Në punë do jeni të bindur për hapat që duhet të hidhni dhe do ndërmerrni goxha iniciativa. Financat do i keni më tepër nën kontroll dhe nuk do keni aspak probleme.
Luani
Herë pas here do keni luhatje humori gjatë kësaj dite dhe në disa momente mund ta ngrini zërin më shumë nga sa duhet. Ju të dashuruarit do jeni mjaft të kujdesshëm dhe shumë të matur, kështu që jo vetëm që nuk do keni mosmarrëveshje, por do ndiheni edhe goxha më të qetë se më parë. Ju beqarët do keni një ditë delikate në punë dhe kjo do iu shtyjë të refuzoni edhe ftesat që do iu bëhen. Në punë do jeni profesionistë të shkëlqyer dhe çdo gjë që do dëshironi do e arrini pa mundim të madh. Në planin financiar gjithçka do jetë në favorin tuaj kështu që mos u shqetësoni aspak.
Virgjëresha
Gjërat do iu rrjedhin më së miri gjatë kësaj dite dhe shpesh do ju duket sikur dielli nuk do perëndojë kurrë. Nëse keni një lidhje, jeta juaj sentimentale ka për të qenë shumë e mirë. Planetët do ua qartësojnë mendimet dhe do ju nxitin të dyja palëve t’i shprehni edhe më tepër ndjenjat. Pasditja do jetë më emocionuesja. Ju beqarët duhet të përfitoni nga çdo mundësi që do iu jepet sepse sot mund të ndodhin ndryshimet e mëdha. Në punë mund të merrni goxha promocione dhe ankthi që keni pasur do marrë fund. Financat do jenë të kënaqshme kështu që po bëtë një menaxhim të mirë mund të hiqni edhe para mënjanë.
Peshorja
Marsi do sjelle harmoni dhe hare në jetën tuaj gjatë kësaj dite kështu që do ndiheni përherë mirë. Për ju të dashuruarit e sotmja do jetë e bekuar. Me partnerin do ndiheni për mrekulli dhe nuk do josheni aspak nga ftesat apo propozimet e të tjerëve. Ju beqarët do keni një nga ditët tuaja më të favorshme dhe shumë gjëra do ju marrin drejtim tjetër. Në punë do jeni edhe më të përgjegjshëm se më parë. Me pak më tepër përpjekje do arrini t’i zgjidhni edhe problemet që ju kanë dalë së fundmi. Shpenzimet kryejini me llogari sepse po e lëshuat dorën, shumë shpejt do gjendeni para problemeve serioze.
Akrepi
Gjatë kësaj dite do keni më shumë besim tek vetja dhe do dini çfarë hapash të hidhni. Për ju të dashuruarit e sotmja do jetë shume e zakonshme dhe pa ndonjë gjë të veçante. Më mirë bëni atë që do ju duket më e logjikshme pa u sforcuar aspak. Ju beqarët as nuk do mendoni për dashurinë sepse do jeni të zënë me punë dhe angazhime të tjera të rëndësishme. Në punë do keni edhe momente kur do jeni të pavendosur, por këshillat e miqve e të afërmve do iu hyjnë goxha në punë. Në planin financiar duhet t’i dëgjoni me kujdes këshillat sepse do ju ndihmojnë të mos bëni gabime.
Shigjetari
Gjatë kësaj dite do keni dëshira të çmendura dhe do mundoheni të realizoni disa prej tyre. Për ju të dashuruarit e sotmja do jetë mjaft pasionante. Pranë partnerit do përjetoni emocione të forta dhe as që do e besoni se jeni në realitet. Do e kuptoni edhe më mirë tashmë se ndjenjat për njëri-tjetrin janë më të forta nga sa mendonit. Nëse jeni beqarë nuk duhet të prisni gjatë për t’i shprehur pëlqimet sepse do dilni të humbur. Në punë nuk do keni shumë dëshirë të vazhdoni atë që keni nisur dhe do hallakateni kot së koti. Me financat, po u treguat të arsyeshëm nuk do keni aspak vështirësi.
Bricjapi
Edhe pse në disa momente mund të mbeteni vetë sërish do ndiheni mirë gjatë kësaj dite. Për ju të dashuruarit e sotmja do jetë e zakonshme. Nuk do keni as debate të forta me partnerin, por as nuk do dashuroheni me pasion. Më e mira do jetë të mos qëndroni shumë kohë larg sepse hendeku mund të thellohet. Ju beqarët do keni plot mundësi për aventura dhe do përjetoni ndjesi të veçanta. Në punë atmosfera do jetë goxha e ngrohtë dhe do arrini të ngjitni një e nga një shkallët drejt suksesit. Me financat do jeni shumë të logjikshëm dhe nuk do keni probleme.
Ujori
Më në fund shumë projekte do ju realizohen gjatë kësaj dite dhe do rifitoni besimin tek vetja. Për ju të dashuruarit nuk ka për të ndodhur asgjë e keqe kështu që do merrni frymë lirisht në çdo çast. Ju beqarët do jeni të palogjikshëm dhe do bëni gabime për të cilat do pendoheni tej mase. Jeta nuk është lojë dhe duhet bërë kujdes gjithmonë. Në punë do iu jepen më shumë mundësi për të arritur majat vetëm se do ju duhet të bëni disa sakrifica të vogla. Në planin financiar duhet të ndiqni strategji strikte që situata të vihet nën kontroll.
Peshqit
Gjatë kësaj dite mirë është të tregoheni sa më të matur që të mundeni në mënyrë që të mos iu dalin probleme serioze. Për ju të dashuruarit e sotmja nuk do jetë shumë e favorshme. Herë pas here do keni debate të forta me partnerin dhe asnjëri nuk do i pranojë gabimet e veta. Ju beqarët do bëni edhe gjëra të çmendura vetëm për të ndryshuar statusin tuaj. Në punë do jeni shumë të ndjeshëm dhe të pavendosur. Kritikat e shefave do ju mërzitin dhe do ju bëjnë ta humbisni fillin. Në planin financiar duhet të ndiqni strategji strikte sepse vetëm në atë mënyrë do mund t’ia dilni ta mbani situatën nën kontroll.
