Provat e fundit të tre konkurrentëve të ‘Dancing With The Stars’ nuk kanë qenë fort të lehta, kjo për shkak të disa dëmtimeve dhe problemeve shëndetësore të cilat ata kanë vendosur t’i ndajnë me publikun.
Për të ‘justifikuar’ disi performancën e spektaklit të dy ditëve më parë, Juliana Nura tregon se gjatë provave i është shfaqur një problem me zemrën të cilën e ka patur që në lindje por thotë se është bërë ‘kronike’ me kalimin e kohës.
Enxhi Nasufi gjithashtu tregon se nuk është shumë e kënaqur me performancën e saj të fundit, kjo për shkak të një tërheqjeje muskulare që e ka detyruar atë të bëjë vizita të shpeshta te mjeku.
Ndërsa Fifi shprehet se përpiqet që të mos i sjellë në skenë problemet apo vështirësitë që ajo has gjatë gjithë kohës, me angazhimet në këtë spektakël, por edhe për rritjen e fëmijës së saj.
