Kanye West vazhdon të shkaktojë trazira në Itali. Me apo pa vetëdije reperi vazhdon të thyej ligje në disa nga qytetet italiane.
Së fundi teksa ishte i pranishëm me partneren e tij në Javën e Modës në Milano, ai u shfaq me një maskë në kokë.
Saktësisht e kishte mbuluar kokën me një triko të zeze. Por, sipas ligjit anti-terror, çdo gjë që mbulon identifikimin e një individi është e paligjshme dhe e dënueshme me një gjobë prej 2 mijë eurosh.
Ky ligj numër 533, është aprovuar në vitin 1997 për të luftuar terrorizmin.
Kujtojmë që edhe zyrtarët në Venecia kanë nisur hetimet për Kanye dhe Bianca pasi u fotografuan në një pozicion kompromentues gjatë një shëtitje me varkë, muajin e kaluar.
