Futbollisti i njohur, Lionel Messi, i cili është duke shijuar momente të arta tek Inter Miami, ka gjetur kohë dhe është bërë pjesë e videoklipit të këngës së re të Maluma.
Ylli argjentinas, kampion i botës, nuk ka dalë shumë nga zona e komfortit të tij, pasi është shfaqur në stadiumin DRV PNK të Inter Miamit, ndërsa mban në duar edhe trofeun e kupës të fituar nga skuadra e David Beckham.
Teksa prezantoi këngën, Maluma shkroi në Instagram: “Për të madhin Leo Messi”.
Në më pak se 24 orë, video është parë nga më shumë se 500 mijë persona.
Lionel Messi is in Maluma’s new song.pic.twitter.com/FHzjpeV6c3
— Roy Nemer (@RoyNemer) August 24, 2023
Messi vepron si “protagonisti” i historisë. Tifozët e legjendës së kombëtares së Argjentinës dhe Inter Miami mund ta shikojnë atë teksa shfaqet me Maluma në skenën e preferuar të lojtarit: në fushën e futbollit, dhe akoma më mirë, me një trofe në dorë.
Kënga është pjesë e albumit të ri të Malumës “Don Juan”.
