Pas pushimeve disa ditore të kryeministres italiane, Meloni në Vlorë, ku u takua me kryeministrin Rama, në Syrin e Kaltër po raportohet vendosja e tubacioneve, me qëllim furnizimin me ujë të rajonit të Puglia-s në Itali.
Vizita miqësore e kryeministres Meloni, lidhet në fakt me këtë qëllim, duke e bërë Syrin e Kaltër ‘mall në shitje’.
Deputetja Ina Zhupa e ka denoncuar këtë skandal, duke u shprehur se gjithashtu Saranda, Delvina apo qytetet e tjera kanë vuajtur nga mungesa e ujit, por s’i ka shkuar kurrë ndërmend të ndërhyjnë me tubacione në zonën e mbrojtur!
Reagimi i Ina Zhupës:
SYRI KALTËR NUK ËSHTË MALL NË SHITJE!
Dje dhe sot mediat japin lajme në lidhje me vendosjen e tubave tek Syri i Kaltër me qëllim furnizimin me ujë të rajonit të Puglias në Itali. Edhe vizita miqësore e kryeministres Meloni, lidhet me këtë sipas burimeve mediatike.
Nuk është hera e parë që dëgjohen të tilla përpjekje me Italinë dhe me Greqinë por do ishte cmenduri, papërgjegjshmëri dhe antiligjore një projekt i tillë me cilindo shtet.
Syri i Kaltër është park natyror dhe ka statusin zonë e mbrojtur nga viti 2002. Punimet, tubacionet, ndërhyrjet do ishin kategorisht të ndaluara dhe në dëm të kësaj pasurie natyrore.
Saranda, Delvina, qytetet e tjera vuajnë nga mungesa e ujit të pijshëm por ska shkuar kurrë ndërmend një ndërhyrje me tubacione në Syrin e Kaltër. Aq më pak të mund të mendohet apo pranohet dicka e tillë për shtetet fqinje.
Si deputete përfaqësuese edhe e Finiqit, bashkisë ku ndodhet Syri i Kaltër do kërkoj informacion zyrtar në lidhje me planet konkrete që ka qeveria shqiptare për këtë park natyror.
