Sapo mësoni se jeni shtatzënë asnjëherë nuk mund t’i shpëtoni ankthit të fillimit që lidhen me shumë arsye. Ndryshimit të hormoneve, rritjes së përgjegjësisë, stili i prindërimit që do keni etj.
Këto janë disa këshilla se si mund të veproni gjatë shtatzënisë tuaj.
Dëgjoni rrahjet e zemrës së bebit
Në momentin që do dëgjoni rrahjet e zemrës së bebit, mes jush do të ketë një lidhje të fortë shpirtërore saqë me padurim do të prisni momentin kur ta merrni në krah. Kjo do ju ndihmojë që mendja nga ankthi të largohet.
Gjeni një vend të sigurt ku të shprehni ndjesitë tuaja
Jo të gjithë mund të lumturohen për pritjen tuaj të ëmbël, kjo në varësi të situatave. Ndaj këshillohet të gjeni një ambient të sigurt ku ju mendoni se e keni të garantuar mbështetjen e tyre, si në rastin e familjes. Këshillat dhe sugjerimet e tyre do jua bëjnë më të lehtë shtatzëninë.
Është e lejueshme të krijoni kufijtë tuaj
Nënat në pritje kanë një mori emocionesh intensive dhe ndoshta shumë këshilla apo sugjerime do ta çorodisnin mendjen tuaj. Ndaj kur e ndjeni të nevojshme për të qëndruar në qetësi mos kini siklet ta kërkoni këtë gjë nga njerëzit që ju rrethojnë.
Praktikoni kujdesin për veten
Gratë dhe vajzat gjithnjë janë të përkushtuara për kujdesin ndaj vetes, por ka disa mendime se kur je shtatzënë apo pas lindjes ky kujdes do të reduktohet. Nuk është aspak e vërtetë, ju duhet të vazhdoni rutinën tuaj sikur para shtatzënisë, por me një këshillë më të detajuar nga mjeku për llojin e trajtimeve dhe produkteve që do të përdorni. Kjo pasi disa produkte që i përdornit më parë ndoshta atë periudhë duhet t’i largoni fare nga përdorimi për shkak të përmbajtjes së tyre.
