Reality show i parë i “Big Brother VIP Kosova” përfundoi me fitoren e reperit Arkimed Lushaj (Stresit), ndërsa personazhe të njohur morën pjesë në format.
Duket se puna ka ecur shpejt, pasi menjëherë pas zhurmës së edicionit të parë, u punua për të dytin.
Dyert e shtëpisë së famshme të Kosovës do të hapen sërish, siç thotë njoftimi i fundit në rrjete sociale. Megjithëse s’kemi ende një datë konkrete kur do të nisë, duket se audicionet kanë filluar e ftesat e personazheve të radhës janë dërguar.
Banorët e rinj, ashtu si të vjetrit, do të qëndrojnë të izoluar pa asnjë kontakt me botën jashtë, nën mbikqyrjen e syrit të “Vëllait të Madh”.
