Mjafton të përmendim Salt Bae, kuzhinierin e famshëm që hedh kripën nga lart dhe të gjithëve na shkon mendja te çmimet po aq të kripura të restoranteve të tij.
Teksa kudo çmimet po rriten në mënyrë të konsiderueshme, tek restoranti i tij në New York do të gjeni disa menu deri në 30 euro. Po, po e dëgjuat mirë! Jo 300, por 30 euro.
Pas faturave të kripura të restoranteve të tij që u bënë virale në internet, Salt Bae i ka habitur të gjithë duke nxjerrë disa menu mjaft të përballueshme.
Një ndër to përfshin një pjatë kryesore dhe ëmbëlsirë për 39 euro për person.
Një tjetër përfshin një hamburger dhe patate të skuqura për 45 euro apo edhe mish viçi i tymosur, taco burgers ose biftek tartare që janë gjithashtu në dispozicion për 35 euro.
Ai gjithashtu ka përfshirë një gamë të re sushi-sh, të tilla si tempura karkalecash, avokado dhe salmon nigiri, të cilat kanë një çmim midis 23-28 euro për katër copë.
Thuhet se kjo vjen pasi restoranti i Nusret Gökçe-s në New York është gati për t’u mbyllur.
