Doni një iPhone, por nuk keni mundësinë të paguani për një të tillë? Rusia ka vendosur që të ndërtojë një të tillë, i cili do të dalë në shitje në 2018-n me një çmim fillestar prej 130 dollarë. Ky ishte raporti nga kompania që mori përsipër prodhimin e tij, për agjencinë kombëtare të lajmeve në vend TASS.
“Ruselectronics, pjesë e kompanisë shtetërore Rostec, do të prodhojë versionin rus të iPhone”, tha drejtori i kompanisë, Igor Kozlov. Sipas tij telefoni do të ketë cilësi të krahasueshme me celularin e Apple, por do të jetë më i lirë.
“Në 2018-n, ne do të kemi iPhone-n tonë të brendshëm, i cili do të kushtojë 130 dollarë,” tha Kozlov në Enjten.
Rostec u themelua në vitin 2007 me qëllimin e ngritjes së teknologjisë së Rusisë në një nivel të lartë. Drejtori i saj i përgjithshëm emërohet nga vetë presidenti rus.
