Hetuesit e emëruar nga qeveria amerikane të shqyrtojnë origjinën e Covid-19 besojnë se pandemia është shkaktuar me siguri nga një rrjedhje laboratorike që ka infektuar studiuesit në institutin “Wuhan”.
Përpara pandemisë, instituti “Wuhan” ishte i vetmi laborator në botë i njohur për posedimin e viruseve të lidhura ngushtë me Covid-19.
Tre hetues amerikanë, të cilët folën për “Sunday Times”, thonë se instituti 3 po eksperimentonte me këto viruse në mënyra që ka të ngjarë të kenë çuar në krijimin e Covid.
Hetuesit besojnë se kjo sasi prej nëntë virusesh u mbajt sekret për vite nga instituti “Wuhan” sepse ushtria kineze po eksploronte mundësinë e përdorimit të tyre për të krijuar një armë biologjike.
Ata pretenduan se arma po zhvillohej së bashku me një vaksinë që do të mbronte popullatën kineze nëse do të lëshohej ndonjëherë në një luftë.
Stafi i institutit “Wuhan” po punonte së bashku me shkencëtarët nga Ushtria Çlirimtare Popullore duke kryer eksperimente mbi koronaviruset e rrezikshëm në vitet para pandemisë.
Një raport i Senatit Amerikan ka pretenduar se një shkencëtar i lartë ushtarak kinez ka të ngjarë të ketë punuar në një vaksinë Covid-19 përpara se autoritetet e Pekinit të pretendonin se shpërthimi filloi në 2019.
Hetuesit kanë parë përgjime të agjencive të inteligjencës që përshkruajnë një incident të rëndësishëm që ka ndodhur në institut në nëntor të 2019 – muaji që Covid besohet të jetë shfaqur për herë të parë në qytet.
