Daljet publike të Kendall Jenner dhe Bad Bunny-t kanë tërhequr vëmendje të madhe nga mediat dhe nga fansat e tyre të përkushtuar, të cilët ndjekin çdo lëvizje të tyre.
Ndërsa paraqitjet e tyre ndezën disa polemika, veçanërisht në lidhje me pretendimet se Kendall ishte e vrazhdë me këngëtarin portorikan gjatë një ndeshjeje të Los Angeles Lakers, duket se këto pretendime janë të pabaza dhe çifti në fakt është mjaft i lumtur së bashku.
Sipas burimeve të huaja të dy Kendall dhe Bad Bunny janë duke zhvilluar një marrëdhënie më serioze.
Ndryshe nga disa anëtarë të tjerë të familjes Kardashian, ajo përpiqet të ruajë një nivel më të madh privatësie në marrëdhëniet e saj romantike, por disa detaje nuk kanë mbetur dot mister.
“Ai jo vetëm që po kalon më shumë kohë me Kendall, por edhe me pjesën tjetër të familjes”, tha një burim për “Entertainment Tonight”.
“Ata të dy janë gjithmonë duke qeshur së bashku dhe kanë vlera të ngjashme familjare.”
Ky pretendim për afrimitetin me familjen Kardashian-Jenner duket të jetë i vërtetë, pasi Bad Bunny ishte edhe në Met Gala 2023, përkrah Kim Kardashian.
Dy yjet u larguan nga eventi vjetor i modës së bashku në të njëjtin automjet. Ky gjest tregon se jo vetëm që Kendall tërhiqet nga Bad Bunny, por edhe familja e saj e miraton lidhjen e tyre. Aktualisht, duket se lidhja e tyre ka potencial.
