Cher, 76 vjeç, bëri të ditur së fundmi se pas vitesh beqare, zyrtarisht kishte një mashkull të ri në jetën e saj!
Pasi u fotografua për dore me producentin muzikor Alexander “AE” Edwards, 36 vjeç, ikona e pop-it hyri në Twitter për të konfirmuar se dyshja janë në lidhje.
Fansat filluan të dyshonin se diçka po ndodhte me këngëtaren kur ajo shkroi në Twitter më 1 nëntor, “Një pjesë e jetës sime është kaq e mrekullueshme”, me një emoji sy me zemër.
Mirëpo, pas disa muajsh lidhje çifti i ka dhënë fund romancës. Sipas burimeve, ndarja ndodhi disa javë më parë dhe ishte një vendim i përbashkët dhe miqësor.
Ata u përballën me kritika të pafundme për diferencën 40-vjeçare të moshës, por s’dimë nëse kjo ishte një nga arsyet e ndarjes.
