Kim Kardashian nuk është “shumë mirë” nëntë ditë pas grabitjes dramatike nga persona të maskuar në Paris.
Motra e saj Khloe Kardashian theu heshtjen ndërsa u shfaq në emisionin e “The Ellen DeGeneres Show”, ku foli lidhur me grabitjen e bizhuterive me vlerë 10 milionë dollarë, që Kim pa t’i merreshin para syve të saj.
32-vjeçarja tha se krimi ndikoi në familjen e saj: “Domethënë, është një traumë e madhe ajo që i ndodhi asaj. Por familja jonë është shumë e afërt dhe e mrekullueshme dhe ne të gjithë do ta kalojmë atë së bashku. Ne vlerësojmë të gjithë dashurinë dhe mbështetjen tuaj dhe kemi nevojë për kohë”.
Ajo shtoi më tej: “Ju e dini, është e tmerrshme ajo që i ndodhi asaj”.
Ylli i “reality-show”-t zbuloi se si ajo dhe familja e saj po e rivlerësojnë prezencën e tyre në mediat sociale pas incidentit.
“Mendoj se është një thirrje zgjimi për të bërë shumë rregullime në jetë. Kjo është një çështje e rëndësishme për Kim. Mendoj se është shumë personale, si dhe një terror emocional prej të cilës duhet të largohesh. Është një thirrje për të gjithë ne, por fokusi kryesor është që motra jonë të jetë mirë”, sqaroi Khloe.
Ajo tha se e gjithë familja ka shtuar nivelin e sigurisë: “Thjesht për t’u siguruar që jemi të mbrojtur sa më shumë që mundemi. Siç e thash, ne jemi një familje, ne po e bëjmë këtë bashkë. Është e rëndësishme të bëjmë disa rregullime dhe të tërhiqemi pak është gjithmonë një gjë e zgjuar”.
Kim u grabit më 2 tetor, ndërsa ndodhej në Paris për të ndjekur Javën e Modës.
Burimi: Daily Mail
