Stilisti Valdrin Sahiti është kthyer në kryefjalë të mediave rozë.
Kjo pasi u përfol se mund të jetë arrestuar në Turqi, nën dyshimin për posedim të lëndëve narkotike.
Ndonëse këto dyshime më herët i hodhi poshtë avokati i tij Besnik Berisha, duke thënë se nuk është e vërtetë që klienti i tij ndodhet i arrestuar në Stamboll, madje krejt e kundërta ai ndodhet në Dubai për vizitë pune.
E teksa këto thashetheme e kanë shndërruar në personazhin më të përfolur të javës, nuk kanë munguar edhe ironizimet nga kolegët e tij në rrjetet sociale.
Stilisti Mr.Rex së fundmi publikoi në InstaStory një video nga arritja e tij në Kosovë, ku krahas shkruan: “Erdha unë në Kosovë, pa pasaportë diplomatike, pa kontroll”.
Ky postim u mor si një thumb për Sahitin, i cili e ka një pasaportë diplomatike, të lëshuar nga ish-Ministrja e Punëve të Jashtme të Kosovës, Meliza Haradinaj -Stublla, e cila njëherësh është mikja e tij.
