Brooklyn Beckham apo i njohur ndryshe si djali i David Beckham shpesh ka treguar se sa i dashuruar është me gruan e tij duke e treguar në forma të ndryshme.
Së fundmi, ai ka bërë një tatuazh dedikuar bashkëshortes duke zgjedhur ta bëj portretin e saj, por si duket kjo nuk u prit mirë nga ndjekësit e tij.
24-vjeçari ka vendosur që portretin e gruas së tij, Nicola Peltz, ta ketë të vendosur në krahun e tij të djathtë.
Por, si duket kjo gjë nuk iu ka pëlqyer fansave të tij duke thënë që portreti i gruas së tij nuk ngjason aspak me atë çka ajo është në të vërtetë.
“Thjesht nuk ka asnjë justifikim që të famshmit të kenë tatuazhe të këqija”, ka shkruar një nga ndjekësit e tij.
Ndërsa një adhurues tjetër shtoi se artistët kanë mundësi të zgjedhin profesionistët për të bërë tatuazhe të vërteta.
Por, kjo nuk është hera e parë që Brooklyn i ka kushtuar një tatuzh gruas së tij, ai që u komentua gjatë kanë qenë sytë e bashkëshortes të vendosur në qafen e tij, por si duket ndjekësit e tij asaj radhe ishin të kënaqur.
Brooklyn Beckham dhe Nicola Peltz u martuan në vitin 2022 me një dasmë madhështore ku të pranishëm kanë qenë figura të ndryshme të njohura botërisht.
