Mbrëmja e sotme në “Big Brother VIP Albania” i dedikohet surprizave. Të nominuarit, Armaldo, Olta dhe Kristi u surprizuan nga familjarët e tyre. Pasi performoi këngën dedikuar grave, Armaldo u surprizua nga vajza e tij e cila e priste në living.
Ai u shpreh se ndihej shumë i emocionuar dhe falenderoi Vëllain e Madh për surprizën e bërë. Nga ana tjetër vajza i uroi finalen.
”Mos dil, të dua në finale ty”
Olta u surprizua nga nëna e saj, e cila i dha kurajo për të vazhduar deri në fund garën. Mes lotësh, aktorja u interesua për djalin dhe bashkëshortin, Dorin.
Ndërsa Kristi, ndryshe nga dy banorët e tjerë u surprizua, përmes një video-mesazhi nga e ëma. Ajo i dha shumë mbështetje si dhe e vlerësoi për lojën e Kristit brenda shtëpisë.
Kristi tha se u çmall pak me nënën e tij e cila jeton në Belgjikë.
