Asgjë lidhur me këtë profil “Instagram”-i nuk dukej e pazakontë.
Louise Delage dukej një vajzë e re franceze, që shijonte jetën: Pinte koktej në jahte, ushqehej në restorante “chic” dhe pinte shampanjë në vaskë. Kaq joshëse, sa 26-vjeçarja parisiene tërhoqi mbi 50.000 ndjekës pasi hapi profilin e saj më 1 gusht të 2016-s.
Si shumë yje në “Instagram”, kishte shumë komente admiruese: “Uau, je e bukur” apo “Shumë e lezetshme”.
Por më 30 shtator të 2016-s, Delage publikoi një video finale në “Instagram”, që ishte përmbledhje e gjithë postimeve të saj, duke zbuluar një lidhje mes tyre: Në çdo njërën nga 149 fotografitë që kishte postuar shfaqej me një pije alkoolike në dorë. Profili i Louise Delage nuk ishte ai që dukej dhe as ajo.
“Louise Delage” është faktikisht një studente franceze, e cila pozon si pjesë e fushatës “Addict Aide”, një organizatë në Francë që ndihmon njerëzit të mos konsumojnë alkool dhe u realizua nga agjencia e reklamave, BETC. Emri i saj i vërtetë është një sekret, sipas presidentit të agjencisë, Stephane Xiberras.
Çështja ku kërkonin të dilnin ishte fakti se sa e lehtë është që të mos kuptosh shenjat e varësisë.
“Ajo është vajza në shtëpinë ngjitur, mund të jetë vajza jote ose dikush që e njeh. Ti mund të humbasësh detajet. Është kaq e vështirë për prindërit, nëse fëmija e tyre është i alkoolizuar, nuk je në gjendje të gjesh të dhënat dhe t’i kuptosh gjërat”, thotë Xiberras.
Ai tha se pak njerëz e vunë re se llogaria në “Instagram” nuk ishte e vërtetë, “por kjo është çështja. Askush nuk e vuri re. Ata menduan se kjo vajzë ka gjithçka. Kjo ishte çështja”.
Xiberras është i kënaqur me ndikimin e fushatës. “Ju mund të arrini shumë njerëz nëpërmjet përdorimit të mediave. Është çmenduri”, tha ai.
Burimi: CNN
