Tri ditë pas tmerrit që kaloi në Paris ku e kërcënuan me armë dhe i grabitën bizhuteritë, Kim Kardashian është shfaqur për herë të parë pas kthimit nga Parisi.
Duke dalë nga apartamenti i saj në New York, Kim dukej ende e tronditur ndërsa kishte mbuluar tërësisht fytyrën me kapele për të mos u parë nga fotografët, me vajzën e saj në krahë.
Ndërsa Kanye dukej më i qetë dhe ectë pas saj më djalin Saint në krah. Familja ishte e rrethuar nga truproje dhe gazetarë. Ata zgjodhën që të dalin në heshtje, pa biseduar dhe pa u fotografuar me askënd.
Mediat e pranishme kanë raportuar se fytyrat e tyre ishin shumë të ngrysura dhe se Kim ende nuk e ka marrë veten nga ngjarja e fundit në Paris. E këshilluar nga mjekët ajo ka marrë fëmijët dhe bashkëshortin, për të shijuar një shëtitje në ajrin e pastër.
Një burim konfirmoi për ET se familja do të udhëtonte për në Los Angeles. “Familja do të udhëtojë gjatë gjithë ditës dhe siguria e tyre është në plan të parë 1000 për qind”, tha burimi.
Burimi: Harper’s Bazaar
