Edhe pse fyti i saj nuk ishte në gjendje për të kënduar, këngëtarja shqiptare Dua Lipa e ka treguar se kur bëhet fjalë për muzikën, ajo nuk ndalet kurrë.
Këngëtarja me origjinë shqiptare, ka qenë mbrëmjen e djeshme e ftuar në një event të realizuar nga kompania prestigjoze “Google”.
Ajo performoi live këngën e re “Blow your mind” në skenën e Google. Nëpërmjet një postimi në “Instagram”, këngëtarja tregoi për të gjithë ndjekësit gjendjen e saj ndërkohë që performonte me “fytin plagë”.
Fansat e saj e kanë komplimentuar për këtë gjest duke e uruar për kurajën për të kënduar edhe në ditë jo shumë të mira për të.
