‘Nuk ka asnjë person të tretë në lidhjen tonë’! Kështu pretendon Megan Fox e cila ka reaguar për herë të parë në lidhje me aludimet se Machine Gun Kelly e kishte tradhtuar.
Ajo ka bërë një postim në Instagram, ku shkruan se nuk ka pasur asnjë lloj ndërhyrje në lidhjen e saj si dhe kërkon që kjo histori të lihet me kaq.
“Nuk ka pasur asnjë lloj ndërhyrjeje të palëve të treta në këtë marrëdhënie. Kjo përfshin, por nuk kufizohet në…njerëzit aktualë, DM-të, robotët e inteligjencës artificiale ose demonët succubus. Nuk dua tu përgjigjem lajmeve të pabaza që do të ishin shkruar shumë më saktë nga ChatGPT, por ju duhet ta lini këtë histori me kaq dhe t’i lini të qetë të gjithë këta njerëz të pafajshëm tani.”
View this post on Instagram
Fundjavën e kaluar, aktorja fshiu shumicën e fotove me MGK nga Instagrami i saj dhe postoi disa foto me tekste nga albumi Lemonade i Beyoncé, i cili është i famshëm për pabesinë e bashkëshortit të saj Jay-Z. Thënia që ajo përdori ishte: “Mund të shijoni pandershmërinë / është mbi frymën tuaj”.
Më pas, ajo e fshiu llogarinë e saj pasi postimi nxitës nxiti thashethemet se gjërat kanë përfunduar mes saj dhe partnerit.
Përpara se të fshinte llogarinë, Fox iu përgjigj një komentuesi duke aluduar se Kelly e kishte tradhtuar me një grua të quajtur “Sophie”.
Fansat supozuan se emri i referohej kitaristes së Kelly, Sophie Lloyd. Kelly ende s’ka reaguar.
