Bad Bunny dhe Kendall Jenner janë kapur mat, pas thashethemeve se janë në një lidhje dashurie. Modelja dhe këngëtari i njohur u panë duke dalë nga i njëjti restorant.
Ylli i “The Kardashians”, 27 vjeç dhe këngëtari i “Tití Me Preguntó”, 28 vjeç, të dy dolën në Wally’s për darkë, por u larguan nga ndërtesa e Beverly Hills, Kaliforni përmes daljeve të veçanta.
“Na është thënë se Justin dhe Hailey Bieber u panë gjithashtu në restorant dhe mund të ketë qenë një takim i dyfishtë,”-u shpreh një burim.
Jenner mahniti me një komplet lëkure ngjyrë kafe, me një crop top dhe pantallona, të cilat i kombinoi me një xhaketë lëkure ”oversize”.
Supermodelja e kompletoi look-un me çizme ngjyrë kafe me majë dhe një çantë dore që kombinohet me to. Ndërsa fituesi i Grammy-t mbante veshur një palë pantallona ngjyrë bezhë dhe atlete të bardha.
Burimi i thashethemeve për Kendall dhe Bad Bunny është një raportim nga llogaria @deuxmoi. Gjithçka filloi me një artikull, duke pretenduar se një “motër beqare, modele e famshme” u pa duke u puthur me muzikantin në një klub në Los Angeles.
“Pra, po zbuloj se ishin Kendall Jenner dhe Bad Bunny. Kam dëshmitarë në vendngjarje që e panë të largohej nga klubi. Ky klub privat. Ishte Bird Street Club në Los Angeles”, tha menaxhuesi i faqes, sipas “Cosmopolitan”.
Ai vazhdoi, duke pretenduar se “Kendall u largua nga klubi, hipi në makinën e saj, por 2 minuta më vonë ata përfunduan në makinën e Bad Bunny”.
“Glamour” thekson se “DeuxMoi” shtoi se nuk ishte e sigurt nëse ishte një “situatë e dehur, e një nate” apo shenjë e një çifti të ri.
Kujtojmë se Kendall u nda me të dashurin e saj Devin Booker, në nëntor 2022.
