Ajo është sot një ndër aktoret më të talentuara, por pak njerëz e dinë që Emily Blunt ka pasur probleme me të folurin kur ishte e vogël.
Aktorja 33-vjeçare dukej mahnitëse për kopertinën e revistës “InStyle Magazine”, ku ka rrëfyer në një intervistë se është tallur shumë kur ka qenë e vogël, pikërisht për problemin e saj me të folurën:
“Më kanë tallur shumë dhe sot i urrej personat që nuk janë të sjellshëm dhe gënjeshtrat”.
Ajo ka kaluar një kohë të vështirë kur ka qenë e vogël, aq sa nuk shqiptonte dot emrin e saj, Emily. Aktorja britanike u shpreh se edhe sot e ka shumë të vështirë që të thotë emrin e saj pa u përgatitur mendërisht për ta thënë:
“Emrat janë gjithmonë të vështirë sepse ti nuk mundesh që t’i zëvendësosh me fjalë të tjera dhe krijohet kaq shumë tension. Ka gjithmonë një pushim të shkurtër mes pyetjes: Kush po telefonon? dhe përgjigjes sime, “Emily Blunt”.
Bashkëshortja e John Krasinski është shumë e përqendruar në këtë çështje aq sa është avokate e Institutit amerikan të Belbëzimit, bashkë me të tjerë të famshëm që kanë vuajtur nga e njëjta sëmundje, si Bruce Willis, Samuel L. Jackson dhe zv/Presidentin Joe Biden.
Burimi: Daily Mail
