Është koha që shumë studentë kanë mbyllur rrugën e tyre akademike dhe do të ballafaqohen me jetën reale, jashtë mureve të shkollës. Pikërisht në këtë periudhë shumica do të kuptojë vërtetë sfidat e jetës.
Njerëzit e shquar që ndajnë histori dhe opinione mbi jetën e tyre, janë shpesh shembull për studentët dhe ata të sapodiplomuarit.
Presidenti Obama, në Universitetin Rutgers në Piscataway, New Jersey, iu tha të diplomuarve në maj se problemet e vështira nuk mund të zgjidhen përmes izolimit. Ai gjithashtu kritikoi mendjet të cilat i përshkroi si anti-shkencë, anti-intelektuale që shumë shpesh përshkojnë politikën.
“Në politikë dhe në jetë, injoranca nuk është një virtyt,” tha Obama. “Nuk e është e këndshme të mos dish se për çfarë je duke folur. Kjo nuk i bën gjërat reale e nuk tregon sesi duhet të jenë. Kjo nuk është për të sfiduar korrektësinë politike. Kjo është thjesht se nuk e dini se për çfarë jeni duke folur. ”
Sheryl Sandberg
Shefja operative e Facebook gjatë një fjalimi përmendi vdekjen e papritur të bashkëshortit të saj në vitin 2015, si një pikë kthese që e mësoi atë për elasticitetin.
“Kam mësuar për thellësitë e trishtimit dhe brutalitetit të humbjes,” tha ajo. “Por unë gjithashtu mësova se kur jeta ju vë poshtë, ju mund ta godisni me shkelm, të çani sipërfaqen dhe të merrni frymë përsëri. Kam mësuar se në emër të asgjësë, apo në emër të çdo sfidë, ju mund të zgjidhni gëzimin dhe kuptimin.”
Oprah Winfrey
Ajo ka thënë se duhet përpjekur për përsosmërinë, por jo të humbësh zemrën kur pengohesh, sepse “dështimi është rruga e Zotit për t’ju lëvizur ju në një drejtim tjetër.”
Russell Wilson
Russell Wilson, qendërmbrojtësi i ekipit të futbollit, Seattle Seahaëks, i cili udhëhoqi ekipin e tij në një fitore të Super Boël në vitin 2014, kujton se një ish-trajner në një shkollë tjetër i kishte thënë atij se nuk ishte realiste të shpresonte për një karrierë në National Football League. Ai hodhi poshtë këshillën e trajnerit dhe u bë edhe më i vendosur për të përmbushur potencialin e tij atletik.
“Momentet kur jeta ju thotë “Po” nuk janë ato që ju përcaktojnë. Momentet që me të vërtetë kanë rëndësi janë momentet kur jeta ju thotë “Jo”, ka thënë Wilson.
“Kur jeta ju thotë “Jo”, pyetni veten me sinqeritet: “Për çfarë jam i aftë?”. Pasi ju të mësoni përgjigjen, mos kini frikë për të lejuar që të gjithë të tjerët të dinë më tepër për ju.”
Burimi: ShareAmerica
