Janë bërë saktësisht dy javë që kur Angelina Jolie firmosi dirvocin nga Brad Pitt, pas një zënke të shëmtuar në avion, që e përfshiu atë në akuzën e abuzimit ndaj djalit 15-vjeçar Maddox.
Dhe aktori 52-vjeçar është ende duke u përpjekur të marrë veten nga tronditja, hetimi për të cilin përfshiu Departamentin e Policisë së Los Angeles-it, atë të Abuzimit ndaj Fëmijëve dhe avokatë të profilit të lartë.
“UsWeekly” raporton se, Brad është duke kaluar gjendjen më të vështirë të jetës së tij dhe ende nuk e beson se çfarë kthese që mori jeta e tij.
“Ai nuk e beson dot këtë që po i ndodh dhe qan gjatë gjithë kohës, është në gjendje shumë të keqe, por fëmijët janë e vetmja gjë tek të cilët shpreson. Brad po mundohet të qëndrojë pranë familjes dhe miqve, ndërkohë që flet me të afërmit dhe menaxherin e tij vazhdimisht. Ai flet gjithë kohën me të ëmën. Angelina e kishte kërcënuar dhe më parë me divorc, por ai s’e kishte besuar. Në momentin kur ajo nisi procedurat, Pitt nuk kishte asnjë avokat pranë tij”, tha një i afërm i Brad.
Vitin e kaluar Jolie dhe Pitt vendosën çfarë do të ndodhte me fëmijët. Sipas vendimit të përkohshëm të gjykatës, Angelina do ketë kujdestarinë e tyre deri më 20 tetor. Ndërkohë, bashkëshorti i saj do ketë mundësinë t’i vizitojë ata i shoqëruar nga një terapist.
Çifti kishte 12 vite së bashku, pavarësisht se u martuan vetëm dy vite më parë. Ata kanë gjashtë fëmijë, Maddox, 15 vjeç, Pax, 12 vjeç, Zahara, 11 vjeç, Shiloh, 10 vjeç, binjakët Knox dhe Vivienne, 8 vjeç.
Burimi: Daily Mail
