Kim Kardashian kishte frikë se do ta përdhunonin. Ja nata e horrorit që përjetoi

Kim Kardashian përjetoi tmerrin pasi rrezikoi të përdhunohej nga pesë burra që kishin hyrë në apartamentin e saj në Paris, për ta grabitur. Ata e tërhoqën zvarrë atë, e lidhën dhe e futën në vaskë para se të mbyllnin derën e banjës.

Kim ishte në gjumë rreth orës 2:30 të mëngjesit kur dëgjoi grabitësit të ngjitnin shkallët e banesës së saj dykatëshe prapa kishës La Madeleine në Paris, njofton TMZ.

Ajo tentoi të merrte në telefon truprojën e saj, kur telefoni iu rrëmbye nga duart. Ndërkohë, shoqja e saj Simone Harouche, e cila ndodhej vetëm një kat më poshtë, u çua nga shtrati dhe u mbyll në banjë.

Ajo mori në telefon truprojën e Kim-it Pascal Duvier, i cili në atë kohë ishte jashtë në një lokal nate me Kourtney dhe Kendall më pak se dy milje larg.

Ndërkohë, Kim raportohet se u ishte lutur grabitësve për jetën e saj, duke bërtitur se kishte dy fëmijë. Pasi u mbyll në banjë ajo arriti që të zgjidhte duart dhe të bërtiste nga ballkoni për ndihmë. Në atë moment kishte dëgjuar britmat shoqja e saj.

Kim, e cila u tha efektivëve se kishte frikë se do ta përdhunonin, nuk i kishte kuptuar grabitësit që flisnin frëngjisht. Por ajo i dëgjoi ata duke përsëritur ‘unaza, unaza’ para se ta kuptonte që ata ishin në kërkim të unazës me gur smeraldi 20-karat që ia kishte dhuruar bashkëshorti Kanye West.

Ajo u tha grabitësve vendin se ku ndodhej dhe ata u larguan pasi morën unazën që kushtonte 4.5 milionë dollarë. Burrat, të cilët hynë në ndërtesë pasi kërcënuan me armë rojen, gjithashtu vodhën një kuti bizhuterish me vlerë 6.7 milionë $, para se të largoheshin me biçikleta të marra me qira, që janë në dispozicion në të gjithë qytetin.

Truproja i Kim, i cili arriti të kthehej në banesë dy minuta pasi grabitësit u arratisën, akuzoi rojën që kishte lejuar të ndodhte një gjë e tillë, por ai i tha se kjo ishte planifikuar nga një njeri i brendshëm.

Truproja premtoi se do t’i gjejë grabitësit, ndërsa u drejtoi atyre një mesazh: “Jeni ngatërruar me njerëzit e gabuar”.